QPL: «Ulytaý» óz alańynda «Aqtóbeden» basym tústi

ASTANA. KAZINFORM - Búgin fýtboldan Premer-lıga komandalary arasyndaǵy el birinshiliginiń keıinge qaldyrylǵan HVІІІ-týryndaǵy sońǵy oıyn ótkizildi.

Bul kezdesýde «Ulytaý» (Jezqazǵan) men «Aqtóbe» sheberlik baıqasty. Match barysynda komandalar jyldam gol soǵýǵa tyrysty. Oıynnyń 6-mınýtynda jezqazǵandyq Georgıı Býgýlov qarsylas qaqpasynan sańylaý taýyp ketti. Oǵan 45-mınýtta aqtóbelik klýbtan Jaıro Jan bir golmen jaýap qaıyrdy. Al 74-mınýtta «Ulytaý» sapynan Baǵdat Danııarov jeńis golyn soqty.
Osylaısha jezqazǵandyq komanda qarsylasynan 2:1 esebimen basym túsip, týrnır kestesindegi jaǵdaıyn jaqsarta tústi.

Atalǵan týrda 25 shildede «Jeńis» (Astana) pen «Oqjetpes» (Kókshetaý) 0:0 esebine qanaǵat bildirdi. Bul týrdaǵy 30 sáýirde aldyn ala ótkizilgen oıynda «Atyraý» óz alańynda «Astanaǵa» 0:2 esebimen jol bergen edi.

Sondaı-aq 26 shildede almatylyq «Qaırat» syrt alańda Qostanaıdyń «Tobylyn» 3:1, óz alańynda semeılik «Elimaı» Taldyqorǵannyń «Jetisýyn» 3:0, qyzylordalyq «Qaısar» Petropavldyń «Qyzyljaryn» 1:0, shymkenttik «Ordabasy» Túrkistannyń «Turanyn» 4:0 esebimen jeńdi. 

Endi 22 qyrkúıekte «Qaırat» (Almaty) men «Jeńis» (Astana) keıinge qaldyrylǵan 20-týr oıynyn óktizedi.