QPL: «Turan» elordada «Astanaǵa» qaýqar kórsete ala ma

ASTANA. KAZINFORM – Fýtboldan Premer-lıga komandalary arasyndaǵy el birinshiliginiń HVII týry bastalady. 

Búgin, 18 shildede saǵat 20:00-de «Astana» men «Turan» (Túrkistan) oınaıdy. 

Al 19 shildege úsh kezdesý belgilengen. Saǵat 18:00-de «Elimaı» (Semeı) men «Jeńis» (Astana), «Qaırat» (Almaty) pen «Qaısar» (Qyzylorda), 20:00-de «Oqjetpes» (Kókshetaý) pen «Ulytaý» (Jezqazǵan) jasyl alańǵa shyǵady. 

Sondaı-aq 20 shildede 18:00-de «Qyzyljar» (Petropavl) men «Atyraý», 20:00-de «Aqtóbe» men «Tobyl» (Qostanaı), «Jetisý» (Taldyqorǵan) men «Ordabasy» (Shymkent) kim myqtyny anyqtaıdy. 

Aıta ketsek, qazir kósh basynda 37 upaımen «Astana» keledi. Odan keıingi oryndardaǵy «Qaırattyń» 36, «Tobyldyń» 32 upaıy bar. 

Surmergender kóshinde Dastan Sátpaev («Qaırat»), Dáýren Jumat («Oqjetpes») pen Nazmı Grıpshı («Astana») 8 golmen kósh basynda tursa, odan keıingi orynǵa jaıǵasqan Islam Chesnokov («Tobyl») pen Marın Tomasov («Astana») 7 gol soǵyp úlgerdi. 

Eske salsaq, «Aqtóbe» fýtbol komandasy endi Konferentsııa lıgasynda synǵa túsedi.