QPL: «Tobyl» týrnır kestesinde ekinshi orynǵa kóterildi
NUR-SULTAN. QazAqparat - Búgin fýtboldan Premer-lıga komandalary arasyndaǵy Qazaqstan chempıonatynyń onynshy týry bastaldy, dep habarlaıdy QazAqparat tilshisi.
Alǵashqy oıynda Qostanaıdyń «Tobyly» men Kókshetaýdyń «Oqjetpes» komandalary kezdesti. Oıyn taǵdyryn jalǵyz gol sheshti. Ony qostanaılyq fýtbolshy Jeremı Manzorro 65-mınýtta soqty.
Atalǵan jeńisten keıin «Tobyl» týrnır kestesinde ekinshi orynǵa kóterildi. Kósh basynda 24 upaımen Almatynyń «Qaıraty» tur. Úshinshi orynda 15 upaımen «Astana» keledi.
Endi atalǵan týrda 23 qyrkúıekte «Kaspıı» men «Taraz», 24 qyrkúıekte «Jetisý» men «Shahter», «Ordabasy» men «Qyzyljar», «Qaısar» men «Astana» komandalary kezdesedi.
