QPL: «Tobyl» tórt oıyn qatarynan jeńiske jete almaı keledi
NUR-SULTAN. QazAqparat - Búgin fýtboldan Premer-lıga komandalary arasyndaǵy el birinshiliginiń 20-týry máresine jetti, dep habarlaıdy QazAqparat tilshisi.
Atalmysh týrdaǵy eki oıyn 27 shildede bolyp ótti. Óz alańynda «Oqjetpes» «Aqtóbeden» 4:0, «Jetisý» «Shahterden» 4:0 esebimen basym tústi. Bul týrdaǵy taǵy bir oıyn aldyn ala 24 sáýirde «Qaırat» jáne «Atyraý» komandalary arasynda ótkizilip, ol oıynda almatylyqtar 2:0 esebimen jeńiske jetken edi.
Búgin elordalyq «Astana» óz alańynda «Taraz» komandasyn iri eseppen jeńdi. Bul kezdesýde Rangelo ıAnga 33 jáne 71-mınýttarda qos goldyń avtory atandy. Al 63-mınýtta Fırmın Mýbele, 88-mınýtta Marın Tomasov qanjyǵasyn maılady. Osylaısha «Astana» «Tarazdan» 4:0 esebimen basym tústi.
Qostanaı qalasynda jergilikti «Tobyl» taǵy da qarsylasyna ese jiberdi. Bul joly Qyzylordanyń «Qaısar» komandasyna 0:2 eesbimen jol berdi. Oıyn barysynda qyzylordalyq shabýylshy Kýle Mbombo 8 jáne 21-mınýttarda qos goldyń avtory atandy. Aıta keterligi, «Tobyl» sońǵy tórt oıynda jeńiske jete almaı júr. Esesine «Qaısar» sátsizdik serııasyn toqtatty.
Shymkentte «Ordabasy» Pavlodardyń «Ertis» komandasyn qabyldady. Bul kezdesý taǵdyryn 75-mınýtta shymkenttik oıynshy Alekseı Şetkın soqqan jalǵyz gol sheshti. Osylaısha «Ordabasy» 1:0 esebimen basym tústi.
Endi 21-týr oıyndary 3 jáne 4 tamyz kúnderi ótkiziledi. Aldymen 3 tamyzda «Shahter» men «Astana», «Qaısar» men «Oqjetpes», «Aqtóbe» men «Jetisý», 4 tamyzda «Taraz» ben «Ordabasy», «Ertis» pen «Qaırat», «Atyraý» men «Tobyl» komandalary oınaıdy.
