QPL: «Tobyl» men «Qaırat» kósh basyna shyqty

Alǵashqy oıyn Taldyqorǵan qalasynda ótkizildi. Jergilikti «Jetisý» Shymkenttiń «Ordabasy» komandasymen sheberlik baıqasty. Kezdesý taǵdyryn 23-mınýtta «Ordabasy» oıynshysy Abdýllaı Dıakate soqqan jalǵyz gol sheshti. Osylaısha «Ordabasy» 1:0 esebimen jeńiske jetti.

Taǵy bir kezdesý Qaraǵandyda jergilikti «Shahter» men Almatynyń «Qaırat» komandalary arasynda ótkizildi. Bul kezdesýde almatylyq klýb iri eseppen jeńiske jetti. Aldymen 2-mınýtta «Qaırat» shabýylshysy Marton Eppel óz komandasyn alǵa shyǵardy. Odan keıin 52-mınýtta Baýyrjan Islamhan esepti ústemeleı tústi. Taǵy eki goldy almatylyq shabýylshy Aderınsola Eseola soqty. Nátıjesinde «Qaırat» syrt alańda 4:0 esebimen jeńiske jetti.

Taraz qalasynda jergilikti «Taraz» Qostanaıdyń «Tobyl» komandasynan 0:5 esebimen oısyraı jeńildi. Esep 3-mınýtta ashyldy. Ony «Tobyl» oıynshysy Azat Nurǵalıev penaltıden oryndady. Al qostanaılyqtar sapynan 12-mınýtta Baýyrjan Turysbek, 23-mınýtta Senan Sebaı esepti ústemeleı tústi. Al 76-mınýtta Senan Sebaı búgingi kezdesýdegi ekinshi golyn soqsa, kezdesý núktesin 90-mınýtta qostanaılyq Dmıtrıı Mıroshnıchenko qoıdy.

Qyzylordada «Qaısar» kósh sońynda kele jatqan «Aqtóbe» komandasyn qabyldady. Kezdesýde «Aqtóbe» shabýylshysy Abat Aıymbetov 17,62, 78-mınýttarda qos goldyń het-trıktiń avtory atandy. Oǵan 84-mınýtta «Qaısardyń» jartylaı qorǵaýshysy Tıgran Barsegıan bir golmen jaýap qaıyrdy. Osylaısha «Qaısar» 1:3 esebimen jeńilip qaldy.

Atyraýda jergilikti «Atyraý» Pavlodardyń «Ertis» komandasyna 0:3 esebimen jol berdi. «Ertis» sapynan Marko Stanoevıch 5, Jeremı Manzoro 92, Patrık Hıdı 95-mınýttarda gol soqty.

Bul týrdaǵy «Astana» men «Oqjetpes» komandalary arasyndaǵy kezdesý elordalyq klýbtyń Eýropa lıgasyndaǵy oıynyna baılanysty 1 qyrkúıekten keıinge qaldyryldy.

Endi 26-týr oıyndary 15 qyrkúıekte ótkiziledi. Bul týrda «Aqtóbe» men «Atyraý», «Astana» men «Shahter», «Qaırat» pen «Jetisý», «Ordabasy» men «Qaısar», «Tobyl» men «Oqjetpes» komandalary kezdesedi.

Foto: fckairat.com