QPL: «Tobyl» kúmis júldege jaqyndaı tústi
NUR-SULTAN. QazAqparat - Búgin fýtboldan Premer-lıga komandalary arasynda Qazaqstan chempıonatynyń 18-týrynda eki kezdesý ótti, dep habarlaıdy QazAqparat tilshisi.
Alǵashqy oıynda Jambyl oblysynyń «Taraz» jáne Qaarǵandynyń «Shahter» komandalary kezdesti. Oıyn kóp gol soǵylýymen erekshelendi. «Shahter» sapynan Arsen Hýbýlov 4, 28, 58 mınýttarda gol soǵyp, het-trıktiń avtory atandy. Al 40-mınýtta «Taraz» qaqpashysy Muhametjan Seısen óziniń qaqpasyna gol soǵyp aldy.
Tarazdyq oıynshylar budan keıin eki gol soqty. Ony Abylaıhan Jumabek 73, Tonı Sılva 74-mınýttarda ózderiniń enshisine jazdy. Oıynda «Shahter» 4:2 esebimen jeńiske jetti.
Qostanaıdyń «Tobyly» Petropavldyń «Qyzyljar» klýbyn 1:0 esebimen tize búktirdi. Jeńis golyn 70-mınýtta qostanaılyq Temirlan Erlanov soqty. «Tobyl» týrnır kestesinde ekinshi orynǵa kóterildi. Osylaısha kúmis júldege qol jetkizýge jaqyndaı tústi.
Sondaı-aq, búgin atalǵan týrda «Oqjetpes» pen «Jetisý» komandalary kezdesedi.
7 qarashada «Qaısar» pen «Qaırat» komandalary 2:2 esebimen teń oınady.
Foto: fctobol.kz
