QPL: «Tobyl» komandasynyń «Astanamen» upaıy teńesti
NUR-SULTAN. QazAqparat - Búgin fýtboldan Premer-lıga komandalary arasyndaǵy Qazaqstan birinshiliginiń 14-týrynyń alǵashqy oıyny bolyp ótti, dep habarlaıdy QazAqparat tilshisi.
Aqtóbede jergilikti «Aqtóbe» komandasy Qostanaıdyń «Tobylyn» qabyldady. «Aqtóbe» bıyl dop dodasynda sátsiz oıyn kórsetip keledi. Qazir týrnır kestesinde kósh sońynda tur. Al «Tobyl» jaqsy oıyn órnegimen jankúıerlerin qýantyp júr. Týrnır kestesinde ekinshi orynda keledi. «Aqtóbe» komandasy «Tobylǵa» tegeýrindi qarsylyq kórsete bildi. Kezdesý taǵdyryn sheshken jalǵyz gol 75-mınýtta soǵyldy. «Tobyl» shabýylshysy Baýyrjan Turysbek óz komandasyna jeńis syılady. Osylaısha týrnır kestesinde «Astana» men «Tobyl» 32 upaı jınap otyr.
Atalmysh týrdyń qalǵan oıyndary 16 maýsymda ótkiziledi. Bul kúni «Taraz» ben «Ertis», «Oqjetpes» pen «Qaırat», «Jetisý» men «Ordabasy», «Shahter» men «Atyraý», «Astana» men «Qaısar» komandalary kezdesedi.
Al budan buryn fýtboldan Qazaqstan kýbogynyń fınaly Taraz qalasynda ótýi múmkin ekenin habarlaǵan edik.
