QPL: «Tobyl» «Ulytaýdyń» osal tusyn tapty
ASTANA. KAZINFORM — Búgin fýtboldan Qazaqstan Premer-lıgasy HHV týry máresine jetti.
Bul týrdy «Tobyl» (Qostanaı) — «Ulytaý» (Jezqazǵan) kezdesýi túıindedi.
Týrnır kestesiniń orta tusynda kele jatqan komandalar jaǵdaıyn jaqsartýǵa tyrysty. Qostanaılyq klýb ótken týrda Aqtaýdyń «Kaspııinen» (0:1) jeńilip qalǵannan keıin óz jankúıerlerin qýantýǵa kúsh saldy.
Kezdesý barysynda qostanaılyq klýb sapynan Ýrosh Mılovanovıch 16-mınýtta esep ashsa, oǵan jezqazǵandyq komandadan Aslan Ahmedov 37-mınýtta bir golmen jaýap qaıyrdy.
Ekinshi kezeńde «Tobyl» sapynan Vıtalıı Lısakovıch 60-mınýtta kózge tússe, 92-mınýtta Ýrosh Mılovanovıch taǵy bir márte mergendik tanytty.
Osylaısha «Tobyl» qarsylasynan 3:1 esebimen basym túsip, 31 upaımen jetinshi orynǵa kóterildi.
Oıyndar nátıjesi
Qazaqstan Premer-lıgasy
6 qyrkúıek, 6-týr
«Kaspıı» (Aqtaý) — «Qaırat» (Almaty) 0:3
25-týr, 6 qyrkúıek
«Oqjetpes» (Kókshetaý) — «Ordabasy» (Shymkent) 2:1
«Aqtóbe» — «Jeńis» (Astana) 1:0
«Jetisý» (Taldyqorǵan) — «Ertis» (Pavlodar) 1:0
«Qyzyljar» (Petropavl) — «Atyraý» 0:1
6 qyrkúıek
«Altaı» (Óskemen) — «Qaısar» (Qyzylorda) 2:0
«Astana» — «Elimaı» (Semeı) 4:0
«Tobyl» (Qostanaı) — «Ulytaý» (Jezqazǵan) 3:1.
Endi aldaǵy týr oıyndary 12 jáne 13 qyrkúıek kúnderi ótkiziledi.
