QPL: «Tobyl» tórtinshi márte jeńiliske ushyrady

ASTANA. KAZINFORM – Qostanaılyq «Tobyl» fýtboldan Qazaqstan Premer-lıgasynyń VI týrynda Jezqazǵannyń «Ulytaýynan» jeńilip qaldy.

Oıyn barysynda qostanaılyq komanda alǵashqy bolyp esep ashty. Oıynnyń 7-mınýtynda olardyń qatarynan Ýrosh Mılovanovıch mergendik tanytsa, 41-mınýtta «Ulytaý» sapynan Martın Davıd Anane óz múmkindigin múlt jibergen joq.

Ekinshi kezeńde jezqazǵandyq klýb penaltıden alǵa shyqty. Ony 50-mınýtta Arıagner Smıt múltiksiz oryndaı bildi. Osylaısha «Tobyl» qarsylasyna 1:2 esebimen ese jiberip, alty týrda tórtinshi márte jeńilistiń aşy dámin tatty.

Sondaı-aq dál qazir birinshi kezeńnen keıin «Atyraý» — «Qyzyljar» (Petropavl) 0:0 esebimen teń túsip jatyr.

Al 17:00-de «Jeńis» (Astana) - «Aqtóbe» oıyny bastalsa, 19:00-de «Qaısar» (Qyzylorda) - «Altaı» (Óskemen) jasyl alańǵa shyǵady.

Bul týrda 18 sáýirde «Elimaı» (Semeı) - «Astana» 2:2 esebine qanaǵat bildirse, pavlodarlyq «Ertis» óz alańynda Taldyqorǵannyń «Jetisýyna» 1:2 esebimen ese jiberdi.

Sondaı-aq óz alańynda almatylyq «Qaırat» Aqtaýdyń «Kaspııinen» 2:0, shymkenttik «Ordabasy» Kókshetaýdyń «Oqjetpesinen» 2:1 esebimen basym tústi.