QPL: «Tobyl» syrt alańda «Jetisýdan» basym tústi

ASTANA. KAZINFORM - Qostanaılyq «Tobyl» komandasy fýtboldan Qazaqstan Premer-lıgasynyń HHV týrynda syrt alańda taldyqorǵandyq «Jetisýdy» jeńdi. 

Nurbol Jumasqalıev jattyqtyratyn komanda chempıondyqtan shet qalǵanymen, olardyń ekinshi oryn alýǵa múmkindigi bar. Sondyqtan qostanaılyq aıaqdopshylar búgingi kezdesýde jeńiske jetýge baryn saldy.

4-mınýtta alań ıeleri sapynan Soslan Takýlov esep ashyp, oıynnyń basy jaqsy bastalǵan. Alaıda qonaqtar da qarap qalmady. Kezdesýdiń ekinshi kezeńinde Marko Výkchevıch pen Nıkolaı Sıgnevıch bir-bir goldan soǵyp, «Tobyl» fýtbolshylary kembek jasady. Osylaısha  qarsylasynan 2:1 esebimen basym túsken qostanaılyqtar ekinshi oryn alý múmkindigin saqtap qaldy.

Dál qazir «Astana» men «Aqtóbe» kezdesýi ótip jatyr. Al 18:00-de «Ordabasy» (Shymkent) pen «Oqjetpes» (Kókshetaý) oınaıdy.

Atalǵan týrda almatylyq «Qaırat» syrt alańda petropavldyq «Qyzyljardy» 1:0 esebimen jeńdi. 

Aıta ketsek, búgin «Ulytaý» (Jezqazǵan) men «Qaısar» (Qyzylorda), «Atyraý» men «Jeńis» (Astana) 1:1 esebimen teń tússe, túrkistandyq «Turan» óz alańynda semeılik «Elimaıǵa» 3:6 esebimen ese jiberdi.