QPL: «Tobyl» syrt alańda «Ertisten» basym tústi
ASTANA. KAZINFORM — Fýtboldan Qazaqstan Premer-lıgasynyń HHІІ týrynda qostanaılyq «Tobyl» syrt alańda Pavlodardyń «Ertisinen» basym tústi.
Bul kezdesý Qazaqstan ýaqytymen saǵat 17:00-de Pavlodarda bastalǵan. Alaıda qalada soqqan ekpini kúshti jel men nóser jańbyr saldarynan fýtbolshylar oıyndy jalǵastyra almady. Shamamen 50 mınýttan keıin ǵana match qaıta jalǵasty.
Oıynnyń 23-mınýtynda «Tobyl» sapynan Raıan Senhadjı esep ashsa, 52-mınýtta Vıtalıı Lısakovıch mergendik tanytty.
Kezdesý barysynda qostanaılyq klýbtan Antonıo Borshıch 69, pavlodarlyq ujymnan Rýslan ıÝdenkov 93-mınýtta qyzyl qaǵaz alyp, matchty erte aıaqtady.
Osylaısha, «Tobyl» qarsylasynan 2:0 esebimen basym tústi.
Sondaı-aq búgin «Kaspıı» (Aqtaý) — «Elimaı» (Semeı), «Qyzyljar» (Petropavl) — «Astana», «Atyraý» (Petropavl) — «Oqjetpes» (Kókshetaý) kezdesedi.
Al 15 tamyzda almatylyq «Qaırat» Jezqazǵannyń «Ulytaýynan», shymkenttik «Ordabasy» Óskemenniń «Altaıynan» 3:1, astanalyq «Jeńis» Taldyqorǵannyń «Jetisýynan» 4:1 esebimen basym tússe, syrt alańda «Aqtóbe» Qyzylordanyń «Qaısaryn» 2:1 esebimen tize búktirdi.
