QPL: «Tobyl» óz alańynda «Turannan» basym tústi

ASTANA. KAZINFORM - Búgin fýtboldan Premer-lıga komandalary arasyndaǵy el birinshiliginiń alǵashqy týry máresine jetti.

Bul týrdy Qostanaıda jergilikti «Tobyl» men Túrkistannyń «Turan» komandalary túıindedi.

Kezdesý barysynda qostanaılyq klýb senimdi túrde jeńiske jetti. Olardyń qatarynan El-Messaýdı Ahmed 40, Enen Davıd 61-mınýtta mergendik tanytty.

Osylaısha «Tobyl» qarsylasynan 2:0 esebimen jeńiske jetti.

Atalǵan týrda «Ordabasy» óz alańynda Qaraǵandynyń «Shahterin» 5:0, «Qaırat» «Qyzyljardy» 2:1 esebimen súrindirse, «Elimaı» men «Atyraý» 0:0 esebine qanaǵat bildirdi.

Sondaı-aq, 1 naýryzda «Astana» «Jeńisti» 2:0 esebimen jeńse, «Qaısar» «Aqtóbege» 1:3 esebimen jol berdi.

Endi ekinshi týr oıyndary 5,6,7 naýryz kúnderi ótkiziledi.