QPL: «Tobyl» óz alańynda «Qaısardan» basym tústi
ASTANA. KAZINFORM — Fýtboldan Qazaqstan Premer-lıgasy HHІ týryndaǵy keıinge qaldyrylǵan «Tobyl» (Qostanaı) men «Qaısar» (Qyzylorda) kezdesýiniń nátıjesi belgili boldy.
Bul kezdesý qos komandanyń kóp gol soǵýymen erekshelendi. Oıynnyń 3-mınýtynda qostanaılyq klýbtan Maksım Mıakısh esep ashsa, 13-mınýtta qyzylordalyq komandadan Alııar Muhamed tarazy basyn teńestirdi.
Al 26-mınýtta «Tobyl» sapynan Aleksandr Marochkın qaıtadan óz komandasyn alǵa shyǵarsa, 48-mınýtta Alııar Muhamed óziniń ekinshi golyn soqty.
Oıynnyń 70-mınýtynda qostanaılyq klýbtan Ýrosh Mılovanovıch penaltıden múlt ketken joq.
Bul kezdesý qostanaılyq klýbtyń Konferentsııa lıgasy úshinshi irikteý kezeńindegi Serbııanyń «Partızan» klýbymen qarymta kezdesýine baılanysty keıinge shegerildi. Olar atalǵan qarsylasyna eki kezdesýdiń nátıjesimen (0:3, 1:2) ese jibergen edi.
HHІ týrdaǵy ózge oıyndarda «Aqtóbe» men «Atyraý», «Kaspıı» (Aqtaý) men «Ulytaý» (Jezqazǵan) 1:1 esebine qanaǵat bildirse, elordalyq «Astana» Kókshetaýdyń «Oqjetpesinen» 2.1, Semeıdiń «Elimaıy» Pavlodardyń «Ertisinen» 3:1, Shymkenttiń «Ordabasy» klýby taldyqorǵandyq «Jetisýdan» 4:0 esebimen basym tústi.
Eske salsaq, budan buryn Dastan Sátpaev «Bernlı» sapyndaǵy alǵashqy oıynyn ótkizdi.
