QPL: «Tobyl» óz alańynda «Astanaǵa» ese jiberdi

ASTANA. KAZINFORM - Búgin fýtboldan Premer-lıga komandalary arasyndaǵy el birinshiliginiń keıinge qaldyrylǵan HH-týry máresine jetti.

Bul oıynda «Tobyl» (Qostanaı) men «Astana» sheberlik baıqasty. Eki komanda bıyl el birinshiliginde bas júldege úmitker bolyp otyr. Sondyqtan atalǵan oıynnan jankúıerler tartysty báseke kútti.

Kezdesý barysynda qostanaılyq klýb aldymen eki gol soǵyp ketti. Oıynnyń 2-mınýtynda «Tobyl» sapynan Islam Chesnokov esep ashsa, Ahmed Al-Messaýdı 34-mınýtta mergendik tanytty.

Al 45-mınýtta elordalyq klýbtan Djeffrı Chınedý gol soqsa, Marın Tomasov 6, 91-mınýtta kózdegen nysanadan múlt ketken joq.

Osylaısha «Tobyl» qarsylasyna 2:3 esebimen ese jiberip, bas júldege talasyn qıyndatyp aldy.

Bul týrda 9 mamyrda astanalyq «Jeńis» Almatynyń «Qaıratyna» 1:2 esebimen jeńilse, 9 tamyzda Kókshetaýdyń «Oqjetpesi» Taldyqorǵannyń «Jetisýyn» 3:0, Jezqazǵannyń «Ulytaýy» Petropavldyń «Ertisimen», 9 tamyzda «Atyraý» Túrkistannyń «Turanymen» 1:1 esebimen teń oınady.

Al Semeıdiń «Elimaıy» «Aqtóbeni» 2:1 esebimen jeńdi.

Surmergender kóshinde Nazmı Grıpshı («Astana») 13 golmen kósh bastap tursa, odan keıingi oryndarda Marın Tomasov («Astana») 11, Dastan Sátpaev («Qaırat») pen Dáýren Jumat («Oqjetpes») 9 golmen keledi.