QPL: «Tobyl» men «Jeńis» teń nátıjege qanaǵat bildirdi

ASTANA. KAZINFORM - Búgin fýtboldan Premer-lıga komandalary arasyndaǵy el birinshiliginiń 14-týrynda qostanaılyq «Tobyl» jáne elordalyq «Jeńis» teń oınady. 

Kezdesý barysynda astanalyq fýtbolshylar birden shabýylǵa lap qoıdy. Oıynnyń 15-mınýtynda «Jeńis» sapynan Adılo esep ashsa, Ádil Aslan 32-mınýtta basymdyqty arttyrdy. 
Odan keıin qostanaılyq klýb tizgindi qolyna alyp, shabýylǵa kóbirek kóńil bóldi. Olardyń qatarynan Nıkolaı Sıgnevıch 41-mınýtta esep aıyrmasyn qysqartty. Al 76-mınýtta Islam Chesnokov penaltıden tarazy basyn teńestirdi. Komandalar osylaısha 2:2 esebine qanaǵat bildirdi.

Sondaı-aq taǵy bir kezdesýde «Aqtóbe» syrt alańda túrkistandyq «Turandy» 3:0 esebimen tize búktirdi.

Endi 20:00-de «Qaısar» (Qyzylorda) men «Elimaı» (Semeı), «Ordabasy» (Shymkent) men «Qaırat» (Almaty), «Astana» men «Qyzyljar» (Petropavl) sheberlik baıqasady.

Atalǵan týrda keshe, 28 maýsymda «Atyraý» men «Oqjetpes» (Kókshetaý) 0:0 esebimen teń tússe, jezqazǵandyq «Ulytaý» Taldyqorǵannyń «Jetisýyna» 1:2 esebimen ese jiberdi.