QPL: «Tobyl» men «Qaırat» teń oıynǵa qanaǵat bildirdi

ASTANA. KAZINFORM - Búgin Qazaqstan Premer-lıgasynyń V týrynda «Tobyl» (Qostanaı) - «Qaırat» (Almaty) komandalary kezdesip, teń tarqasty.

Bıyl birinshilikti qostanaılyq klýb sátsiz bastady. Alǵashqy tórt týrdan keıin nebári 1 upaımen týrnır kestesinde kósh sońynda tur. Esesine almatylyq klýb 10 upaı jınap, birinshi orynǵa shyqty.

Kezdesý barysynda qostanaılyq klýb alǵashqy bolyp esep ashty. Olardyń qatarynan Ýrosh Mılovanovıch 13-mınýtta kózge tústi. Oǵan «Qaırat» sapynan Dastan Sátpaev 19-mınýtta bir golmen jaýap qaıyrdy.

Tartysqa toly kezdesý 1:1 esebimen teń aıaqtaldy.

Endi búgin 20:00-de «Astana» - «Ordabasy» (Shymkent) jasyl alańǵa shyǵady.

Aıta ketsek, búgin «Atyraý» qyzylordalyq «Qaısardan» 2:0, Semeıdiń «Elimaıy» taldyqorǵandyq «Jetisýdy» 1:0 esebimen jeńdi.

Sondaı-aq 12 sáýirde «Oqjetpes» (Kókshetaý) - «Ertis» (Pavlodar), «Altaı» (Óskemen) - «Ulytaý» (Jezqazǵan), «Qyzyljar» (Petropavl) - «Jeńis» (Astana), «Aqtóbe» - «Kaspıı» (Aqtaý) oınaıdy.

Tórtinshi týrdan keıin «Qaırat» 10 upaımen kósh basynda kele jatsa, odan keıingi oryndardaǵy «Elimaı», «Ordabasy», «Oqjetpes» komandalarynyń 8 upaıy bar.