QPL: «Tobyl» «Qaırattyń» osal tusyn taba ala ma

ASTANA. KAZINFORM — Búgin fýtboldan Premer-lıga komandalary arasyndaǵy el birinshiliginiń HVIIІ týry bastalady.

Búgin, 25 shildede saǵat 19:00–de «Jeńis» (Astana) pen «Oqjetpes» (Kókshetaý) oınaıdy. 
Al 26 shildege úsh kezdesý belgilengen. Saǵat 18:00–de «Tobyl» (Qostanaı) men «Qaırat» (Almaty), «Elimaı» (Semeı) men «Jetisý» (Taldyqorǵan), 20:00–de «Qaısar» (Qyzylorda) men «Qyzyljar» (Petropavl) jasyl alańǵa shyǵady.

Sondaı-aq 27 shildede 20:00–de «Turan» (Túrkistan) men «Ordabasy» (Shymkent) sheberlik baıqasady.

Bul týrdaǵy 30 sáýirde aldyn ala ótkizilgen oıynda «Atyraý» óz alańynda «Astanaǵa» 0:2 esebimen jol bergen edi. 

Aıta ketsek, qazir kósh basynda 40 upaımen «Astana» keledi. Odan keıingi oryndardaǵy «Qaırattyń» 37, «Tobyldyń» 35 upaıy bar. 

Surmergender kóshinde Nazmı Grıpshı («Astana») 9 golmen kósh baastap tursa, odan keıingi oryndardaǵy Dastan Sátpaev («Qaırat»), Marın Tomasov («Astana») pen Dáýren Jumat («Oqjetpes») 8 gol soǵyp úlgerdi. 

Eske salsaq, budan buryn qazaqstandyq «Aqtóbe» UEFA Konferentsııa lıgasy ekinshi irikteý kezeńinde Chehııanyń «Sparta» komandasynan basym tústi.