QPL: «Tobyl» elordada «Jeńispen» teń tústi

ASTANA. KAZINFORM - Búgin fýtboldan Premer-lıga komandalary arasyndaǵy Qazaqstan chempıonatynyń ekinshi týryndaǵy taǵy eki oıynnyń nátıjesi belgili boldy.

Elordalyq «Jeńis» atalǵan týrda qostanaılyq «Tobyl» komandasymen kezdesti. 

Oıyn barysynda komandalar jyldam gol soǵýǵa tyrysqan edi. Degenmen qarsylastar bir-biriniń qaqpasynan sańylaý taba alǵan joq. Komandalar 0:0 esebine qanaǵat bildirdi.

Sondaı-aq «Jetisý» (Taldyqorǵan) men «Ulytaý» (Jezqazǵan) kezdesýinde dál osyndaı nátıje tirkeldi.

Bul týrdaǵy alǵashqy oıyn kúnin «Qaırat» (Almaty) pen «Ordabasy» (Shymkent) komandalary túıindeıdi.

Alǵashqy oıyn kúnindegi birinshi kezdesýde kókshetaýlyq «Oqjetpes» klýby «Atyraýdan» 2:1 esebimen basym tústi.

Sondaı-aq 9 naýryzda «Aqtóbe» men «Turan» (Túrkistan), «Elimaı» (Semeı) men «Qaısar» (Qyzylorda), «Qyzyljar» (Astana) men «Astana» sheberlik baıqasady.