QPL: «Tobyl» búgin óz alańynda «Ordabasyny» qabyldaıdy

ASTANA. KAZINFORM — Búgin fýtboldan Premer-lıga komandalary arasyndaǵy el birinshiliginiń keıinge qaldyrylǵan ІH-týrynyń sońǵy oıyny ótedi.

Bul kezdesýde qostanaılyq «Tobyl» men shymkenttik «Ordabasy» sheberlik baıqasady.

Oıyn Qazaqstan ýaqytymen 19:00–de bastalyp, «Qazsport» telearnasynan tikeleı efırde kórsetiledi.

Atalǵan týrdaǵy ózge oıyndar 17 jáne 18 mamyr kúnderi ótkizildi. 17 mamyrda Kókshetaýdyń «Oqjetpesi» «Aqtóbege» 1:3 esebimen ese jiberse, «Atyraý» men «Jetisý» (Taldyqorǵan) 1:1 esebimen teń tústi.

Sondaı-aq 18 mamyrda Jezqazǵannyń «Ulytaýy» «Astanaǵa» 0:2 esebimen jeńilse, Qyzylordanyń «Qaısary» túrkistandyq «Turandy», Semeıdiń «Elimaıy» almatylyq «Qaıratty» 1:0 esebimen qapy qaldyrdy.

Al «Jeńis» (Astana) men «Qyzyljar» (Petropavl) 0:0 esebimen teń tústi.

Surmergender kóshinde Nazmı Grıpshı («Astana») 13 golmen kósh bastap tursa, odan keıingi oryndarda Marın Tomasov («Astana») pen Dastan Sátpaev («Qaırat») 11, Dáýren Jumat («Oqjetpes») 9 golmen keledi.

Eske alsaq, budan buryn «Qaırat» «Jeńisti» 3:1 esebimen jeńip, týrnır kestesinde kósh basyna shyqty.