QPL: «Tobyl» bıylǵy birinshiliktegi ekinshi jeńisine jetti
ASTANA. KAZINFORM - Fýtboldan Qazaqstan Premer-lıgasynyń ІH týrynyń alǵashqy oıyn kúni máresine jetti.
Bul oıynda «Tobyl» (Qostanaı) - «Ertis» (Pavlodar) ózara sheberlik baıqasty.
Kezdesý barysynda alǵashqy mınýttan komandalar birden shabýylǵa kóshti. Birinshi kezeńde olar qanshama múmkindikti múlt jiberip aldy.
Ekinshi kezeńde 52-mınýtta «Tobyl» sapynan Ýrosh Mılovanovıch qarsylas qaqpasyn dál kózdedi. Bul gol qostanaılyq klýbqa jeńis alyp keldi.
Osylaısha «Tobyl» qarsylasynan 1:0 esebimen basym túsip, týrnır kestesinde segiz upaımen on ekinshi orynǵa kóterildi. Bul - olardyń bıylǵy birinshiliktegi ekinshi jeńisi.
Sondaı-aq búgin óz alańynda elordalyq «Astana» Petropavldyń «Qyzyljaryn» 2:1 esebimen jeńdi.
Al taldyqorǵandyq «Jetisý» Astananyń «Jeńisine» 2:3, semeılik «Elimaı» Aqtaýdyń «Kaspııine» 0:1 esebimen ese jiberse, taǵy bir kezdesýde «Oqjetpes» (Kókshetaý) - «Atyraý» klýbtary 0:0 esebine qanaǵat bildirdi.
Endi ekinshi oıyn kúni, 10 mamyrda «Ulytaý» (Jezqazǵan) - «Qaırat» (Almaty), «Altaı» (Óskemen) - «Ordabasy» (Shymkent), «Aqtóbe» - «Qaısar» (Qyzylorda) oınaıdy.
