QPL: «Tobyl» bıylǵy birinshiliktegi alǵashqy jeńisine jetti

ASTANA. KAZINFORM - Qazaqstan Premer-lıgasynda jetinshi týrynyń ekinshi oıyn kúninde qostanaılyq «Tobyl» óz alańynda Aqtaýdyń «Kaspıı» komandasymen kezdesti.

Kezdesý barysynda qostanaılyq komanda shabýylǵa kóbirek kóńil bóldi. Jyldam gol soǵýǵa umtylǵan olar óz degenine jetti. Oıynnyń 6-mınýtynda Jaslan Jumashev esep ashsa, 16-mınýtta ol taǵy bár márte mergendigimen kózge tústi. Al 39-mınýtta «Kaspıı» sapynan Idrıs Ýmaev esep aıyrmasyn qysqartty. Osylaısha «Tobyl» qarsylasynan 2:1 esebimen basym túsip, bıylǵy birinshiliktegi alǵashqy jeńisine jetti.

Sondaı-aq búginge belgilengen «Jetisý» (Taldyqorǵan) - «Ulytaý» (Jezqazǵan) kezdesýiniń nátıjesi belgili boldy. Bul oıynda alań ıeleri jınaqy qımyl kórsetti. Nátıjesinde olardyń qatarynan Nurbol Ánýarbekov 45, Ádilhan Dobaı 49-mınýtta kózdegen nysanadan múlt ketken joq. Kezdesý 2:0 esebimen «Jetisýdyń» basymdyǵymen aıaqtaldy.

Endi bul týrda búgin, 26 sáýirde 18:00-de «Qaırat» (Almaty) - «Elimaı» (Semeı) jasyl alańǵa shyqsa, 20:00-de «Astana» men «Atyraý» oınaıdy.

Sondaı-aq 25 sáýirde shymkenttik «Ordabasy» syrt alańda Petropavldyń «Qyzyljaryn» 2:1, «Aqtóbe» óz alańynda pavlodarlyq «Ertis» komandasyn 1:0 esebimen jeńdi. 

Al «Oqjetpes» (Kókshetaý) - «Qaısar» (Qyzylorda) 1:1, «Altaı» (Óskemen) - «Jeńis» (Astana) 0:0 esebine qanaǵat bildirdi.