QPL: «Ordabasy» «Tarazdy» oısyrata jeńdi
NUR-SULTAN. QazAqparat - Búgin fýtboldan Premer-lıga komandalary arasyndaǵy Qazaqstan birinshiliginiń 11-týrynyń alǵashqy kúngi oıyndary máresine jetti, dep habarlaıdy QazAqparat tilshisi.
Búgingi oıyndardy Shymkentte jergilikti «Ordabasy» men «Taraz» komandalary arasyndaǵy kezdesý qorytyndylady. Birinshi kezeńde «Ordabasy» 2:0 esebimen jbasym tústi. Oıynnyń 7-mınýtynda Toqtar Jańǵylyshbaı esep ashty. Al 24-mınýtta Joao Paolo esepti ústemeleı tústi. Qorytyndy esepti 90-mınýtta «Ordabasy» oıynshysy Maı Mahlangý belgiledi. Osylaısha «Ordabasy» atalmysh qarsylasynan 3:0 esebimen basym tústi.
Aıta keterligi, sońǵy alty oıynda «Ordabasy» eki márte jeńiske jetip, tórt ret teń nátıjege qanaǵat bildirgen edi. Nátıjesinde týrnır kestesinde olar birshama tómendep qaldy. Aıta keterligi, shymkenttikter sońǵy eki kezdesýde jeńiske jetti. Osylaısha qaıtadan úzdik úshtiktegi komandalarǵa jaqyndaı tústi.
Budan buryn biz búgingi úsh oıynnyń nátıjesin habarlaǵan bolatynbyz. Óz alańynda Qostanaıdyń «Tobyly» «Atyraý» komandasyn 3:0 esebimen tize búktirse, syrt alańda Qyzylordanyń «Qaısary» Kókshetaýdyń «Oqjetpesinen» 2:1 esebimen basym tústi. Al Taldyqorǵandaǵy «Jetisý» men «Aqtóbe» arasyndaǵy oıynda jeńimpaz anyqtalǵan joq. Esep 1:1.
Al 11-týrdyń qalǵan eki oıyny erteń, 19 mamyrda ótkiziledi. Bul kúni «Astana» men «Shahter», «Qaırat» pen «Ertis» komandalary kezdesedi.
Ekinshi aınalym oıyndary 26 mamyrda bastalady. Bul kúni «Jetisý» men «Qaısar», «Aqtóbe» men «Ordabasy», «Ertis» pen «Atyraý», «Oqjetpes» pen «Astana», «Taraz» ben «Tobyl», «Shahter» men «Qaırat» komandalary kezdesedi.
