QPL: «Ordabasy» úshinshi oıyn qatarynan jeńistiń kiltin taba alar emes

ASTANA. KAZINFORM - Búgin fýtboldan Qazaqstan Premer-lıgasynyń HHІ týry máresine jetti.

Bul týrdaǵy negizgi kezdesýdiń biri «Ordabasy» (Shymkent) men «Tobyl» (Qostanaı) kogmandalary arasynda ótti. Kezdesý barysynda shymkenttik klýb qarsylasyna 2:3 esebimen jeńilip, týrnır kestesindegi jaǵdaıyn qıyndatyp aldy.

Al «Jetisý» (Taldyqorǵan) men «Atyraý» 0:0 esebimen teń tússe, «Aqtóbe» men kókshetaýlyq «Oqjetpesti» 2:1, «Astana» men jezqazǵandyq «Ulytaýdy» 4:0 esebimen tize búktirdi.

Buǵan deıin 16 tamyzda Túrkistannyń «Turany» óz alańynda Qyzylordanyń «Qaısaryn» 1:0 esebimen jeńse, almatylyq «Qaırat» óz alańynda Semeıdiń «Elimaıyna» 2:3 esebimen jol berdi.

Al «Qyzyljar» (Petropavl) men «Jeńis» (Astana) kezdesýinde 1:1 esebi tirkeldi.
Qazir týrnırlik kestede 43 upaımen «Astana» men «Astana» kósh bastap tursa, odan keıingi oryndaǵy «Tobyldyń» 41 upaıy bar.

Surmergender kóshinde Dáýren Jumat («Oqjetpes») 10 golmen jeke-dara kósh bastap keledi. Nazmı Grıpshı («Astana») 9 golmen ekinshi orynda, odan keıingi oryndardaǵy Dastan Sátpaev («Qaırat») pen Marın Tomasov («Astana») 8 gol soǵyp úlgergen.