QPL: «Ordabasy» týrnır kestesinde kósh basyna shyqty
ASTANA. KAZINFORM – Qazaqstan Premer-lıgasynyń VII týrynda shymkenttik «Ordabasy» syrt alańda Petropavldyń «Qyzyljarynan» basym tústi.
Kezdesý barysynda shymkenttik klýb belsendi oıyn kórsetti. Alǵashqy mınýttan qarsylas qaqpasyna jyldam gol soǵýǵa tyrysty. Oıynnyń 35-mınýtynda «Qyzyljar» sapynan Demııat Slambekov óz qaqpasyna gol soǵyp aldy. Al 53-mınýtta petropavldyq klýbtan Eten Býgre kózge túsip, tarazy basyn teńestirdi.
Degenmen 79-mınýtta «Ordabasy» klýbynyń jartylaı qorǵaýshysy Elhan Astanov qaıtadan óz komandasyn alǵa shyǵardy. Osylaısha «Ordabasy» qarsylasynan 2:1 esebimen basym túsip, týrnır kestesinde 15 upaımen kósh basyna shyqty.
Sondaı-aq búgin «Oqjetpes» (Kókshetaý) - «Qaısar» (Qyzylorda) 1:1 esebine qanaǵat bildirdi. Kezdesý barysynda qyzylorda klýbtan Nıkola Tsýtskıch 26-mınýtta esep ashsa, 89-mınýtta kókshetaýlyq klýbtan Vladıslav Vasılev tarazy basyn teńestirip ketti.
Taǵy bir kezdesýde «Altaı» (Óskemen) - «Jeńis» (Astana) 0:0 esebimen teń tústi.
Endi búgin, 25 sáýirde 19:00-de «Aqtóbe» - «Ertis» (Pavlodar) jasyl alańǵa shyǵady.
26 sáýirde 15:00-de «Jetisý» (Taldyqorǵan) - «Ulytaý» (Jezqazǵan), 16:00-de «Tobyl» (Qostanaı) - «Kaspıı» (Aqtaý), 18:00-de «Qaırat» (Almaty) - «Elimaı» (Semeı),
20:00-de «Astana» - «Atyraý» oınaıdy.
Buǵan deıin búgin Qazaqstan Premer-lıgasynyń VI týr oıyndary bastalatynyn habarlaǵanbyz.
