QPL: «Ordabasy» toǵyz fýtbolshymen oınap, «Qyzyljarmen» teń tústi

ASTANA. KAZINFORM - Búgin fýtboldan Premer-lıga komandalary arasyndaǵy el birinshiliginiń 15-týryndaǵy taǵy eki oıynnyń nátıjesi belgili boldy.

Atalǵan týrdaǵy ekinshi oıyn kúni, 5 shildede shymkenttik «Ordabasy» syrt alańda Petropavldyń «Qyzyljar» komandasymen kezdesti. Match barysynda shymkenttik klýb dórekiligimen kózge tústi. Olardyń qatarynan Sherıf Jımo 19, Darıo Chanadjııa 42-mınýtta qyzyl qaǵaz alyp, oıyndy erterek aıaqtaýǵa májbúr boldy.

Atalǵan kezdesýde komandalar 0:0 esebine qanaǵat bildirdi.

Taǵy bir kezdesýde «Jeńis» (Astana) pen «Ulytaý» (Jezqazǵan) komandalary sheberlik baıqasty. 

Jezqazǵandyq klýbqa atalǵan oıyn aldynda qazaqstandyq maman Nurken Mazbaev bas bapker qyzmet bolyp taǵaıyndalǵan edi. Dese de komanda jankúıer kóńilinen shyǵatyndaı deńgeıde oıyn kórsete alǵan joq. 

Bul kezdesýde jezqazǵandyq klýb sapynan Sergeı Keıler 45-mınýtta qyzyl qaǵaz aldy. 
Oıynnyń 77-mınýtynda «Ulytaý» Demııat Slambekov óz qaqpasyna gol soǵyp alsa, 94-mınýtta Rýı Batalıa qorytyndy esepti belgiledi.

Osylaısha «Jeńis» qarsylasynan 2:0 esebimen basym túsip, týrnır kestesinde segizinshi orynǵa kóterildi.

Endi atalǵan týrda «Aqtóbe» men «Atyraý», «Elimaı» (Semeı) men «Tobyl» (Qostanaı) oınaıdy.

Sondaı-aq 6 shildede «Jetisý» (Taldyqorǵan) men «Astana», «Oqjetpes» (Kókshetaý) men «Qaısar» (Qyzylorda) jasyl alańǵa shyǵady.

Eske salsaq, budan buryn «Qaırat» «Turandy» iri eseppen jeńip, birinshi orynǵa kóterildi.