QPL: «Ordabasy» syrt alańda «Ulytaýdan» jeńilip qaldy

ASTANA. KAZINFORM — Shymkenttik «Ordabasy» búgin fýtboldan Premer-lıga komandalary arasyndaǵy el birinshiliginiń HHІІ týrynda Jezqazǵannyń «Ulytaý» komandasyna jol berdi.

Keıingi jyldary úzdik úshtikten kórinip júrgen shymkenttik klýb bıylǵy birinshilikti ala-qula ótkizip keledi. Qazir týrnır kestesinde orta tusynda tur. Saldarynan kóp upaı joǵaltyp alýǵa májbúr boldy. 

«Ordabasy»búgin syrt alańda «Ulytaýǵa» 1:2 esebimen jol berdi. Kezdesý barysynda jezqazǵandyq klýbtan Dımıtro ıÝsov 9-mınýtta esep ashsa, shymkenttik Zıkrıllo Sýltanııazov 76-mınýtta tarazy basyn teńestirgen edi. 

Al 79-mınýtta Georgıı Býgýlov soqqan gol «Ulytaýǵa» jeńis alyp keldi.
Sondaı-aq búgin 20:00–de «Aqtóbe» men «Jetisý» (Taldyqorǵan) oınaıdy.

Sondaı-aq 23 tamyzda saǵat Semeıdiń «Elimaıy» Petropavldyń «Qyzyljaryn», Qostanaıdyń «Tobyly» túrkistandyq «Turandy» 2:0, elordalyq «Jeńis» «Astanany» 3:2 esebimen jeńse, «Qaısar» (Qyzylorda) men «Atyraý» kezdesýinde 0:0 esebi tirkeldi.
Aıta ketsek, qazir kósh basynda 44 upaımen «Tobyl» komandasy keledi. Odan keıingi oryndardaǵy «Astana» men «Qaırattyń» 43 upaıy bar.