QPL: «Ordabasy» syrt alańda «Tobyldy» iri eseppen jeńdi
ASTANA. KAZINFORM — Qazaqstan Premer-lıgasy HІ týrynda «Ordabasy» syrt alańda Qostanaıdyń «Tobylyn» iri eseppen jeńdi.
Shymkenttik klýb bıyl aldyna chempıondyq ataqqa qol jetkizý múmkindigin qoıyp otyr. Sondyqtan árbir týrda jeńiske jetýge bar kúshin salyp keledi. Osyndaı sáttilik serııasyn búgin Qostanaıda ótken «Tobylmen» kezdesýde jalǵastyrdy.
Kezdesý barysynda shymkenttik klýbtan Krıstıan-Mıhaı Kapatsına 50-mınýtta esep ashsa, Jasulan Ámir 84, 87-mınýtta qos goldyń avtory atandy.
Osylaısha «Ordabasy» qarsylasynan 3:0 esebimen basym túsip, týrnır kestesinde 25 upaımen ekinshi orynǵa taban tiredi. Kósh basynda 26 upaımen kele jatqan almatylyq «Qaırattyń» olardan bir oıyny artyq.
Sondaı-aq bul týrda taǵy jeti oıynnyń nátıjesi belgili boldy.
Premer-Lıga, HІ týr oıyndary:
22 mamyr
«Altaı» (Óskemen) — «Oqjetpes» (Kókshetaý) 0:1
«Astana» — «Ulytaý» (Jezqazǵan) 3:0
«Kaspıı» (Aqtaý) — «Ertis» (Pavlodar) 2:2
23 mamyr
«Jetisý» (Taldyqorǵan) — «Atyraý» 0:0
«Elimaı» (Semeı) — «Jeńis» (Astana) 2:1
«Qaırat» (Almaty) — «Qaısar» (Qyzylorda) 0:0
«Aqtóbe» — «Qyzyljar» (Petropavl) 0:0
«Tobyl» (Qostanaı) — «Ordabasy» (Shymkent) 0:3.
Endi aldaǵy týr oıyndary 27 jáne 28 mamyr kúnderi ótkiziledi.
