QPL: «Ordabasy» syrt alańda iri eseppen basym tústi

Bıyl aldyna bas júlde alýdy maqsat etip qoıǵan shymkenttik klýb qazir árbir kezdesýde jeńiske jetýge bar kúshn salyp keledi. Týrnır kestesinde tómengi oryndardy mise tutyp júrgen taldyqorǵandyq komandanyń jaǵdaıyn jaqsartýǵa kúshi keler emes.

Kezdesý barysynda «Ordabasy» sapynan Elhan Astanov 18-mınýtta esep ashsa, 46-mınýtta Leon Natel basymdyqty arttyra tústi.
Al Elhan Astanov 78-mınýtta taǵy bir márte kózge tússe, 80-mınýtta Everton Moraes kezdesý núktesin qoıdy.

Osylaısha «Ordabasy» qarsylasynan 4:0 esebimen basym túsip, týrnır kestesinde 49 upaımen birinshi orynǵa ornyqty. Olardyń ekinshi orynda 45 upaımen kele jatqan «Qaırattan» bir oıyny artyq. 

Bul týrdaǵy eki kezdesý keıinge qaldyryldy. Al qalǵan oıyndar 8 jáne 9 tamyz kúnderine belgilengen. Aldymen 8 tamyzda úsh kezdesý ótkizilse, 9 tamyzǵa úsh kezdesý josparlanǵan.

Aıta ketsek, buǵan deıin «Altaı» (Óskemen) - «Qyzyljar» (Petropavl) 2:2 esebine qanaǵat bildirdi.

Sondaı-aq dál qazir «Kaspıı» (Aqtaý) - «Ulytaý» (Jezqazǵan) kezdesýi ótip jatyr.

Erteń, 9 tamyzda 18:00-de «Astana» - «Oqjetpes» (Kókshetaý),19:00-de «Elimaı» (Semeı) - «Ertis» (Pavlodar), 20:00-de «Atyraý» - «Aqtóbe» jasyl alańǵa shyǵady.

Eske salsaq, qazaqstandyq maman Vladımır Chebýrın eki jaqty kelisim boıynsha «Atyraý» fýtbol klýbynyń bas bapkeri qyzmetinen ketti.