QPL: «Ordabasy» óz alańynda «Tobyldan» upaı oljalaı ala ma

ASTANA. KAZINFORM - Búgin fýtboldan Qazaqstan Premer-lıgasynyń HHІ týrynda taǵy 4 oıyn ótedi. 

20:00-de «Ordabasy» (Shymkent) men «Tobyl» (Qostanaı), «Jetisý» (Taldyqorǵan) men «Atyraý», «Aqtóbe» men «Oqjetpes» (Kókshetaý), «Astana» men «Ulytaý» (Jezqazǵan) kim myqtyny anyqtaıdy.

Buǵan deıin 16 tamyzda Túrkistannyń «Turany» óz alańynda Qyzylordanyń «Qaısaryn» 1:0 esebimen jeńse, almatylyq «Qaırat» óz alańynda Semeıdiń «Elimaıyna» 2:3 esebimen jol berdi.

Al «Qyzyljar» (Petropavl) men «Jeńis» (Astana) kezdesýinde 1:1 esebi tirkeldi.

Qazir týrnırlik kestede 43 upaımen «Qaırat» komandacy birinshi orynda tur. Odan keıingi oryndardaǵy «Astananyń» 40, «Tobyldyń» 38 upaıy bar.

Surmergender kóshinde Dáýren Jumat («Oqjetpes») 10 golmen jeke-dara kósh bastap keledi. Nazmı Grıpshı («Astana») 9 golmen ekinshi orynda, odan keıingi oryndardaǵy Dastan Sátpaev («Qaırat») pen Marın Tomasov («Astana») 8 gol soǵyp úlgergen.