QPL: «Ordabasy» «Oqjetpesten» basym tústi

ASTANA. KAZINFORM — Fýtboldan Qazaqstan Premer-lıgasy altynshy týrynda Kókshetaýdyń «Oqjetpesinen» basym túsken shymkenttik «Ordabasy» týrnır kestesinde ekinshi orynǵa kóterildi.

Shymkenttik komanda bıyl quramyn birshama kúsheıtti. Tájirıbeli fýtbolshylar atalǵan klýbtyń jeńiske jetýine kúsh salyp keledi. Dese de oıyn barysynda olarǵa kókshetaýlyq fýtbolshylar laıyqty qarsylyq kórsete bildi.

Oıynnyń 65-mınýtynda shymkenttik klýbtan Sergeı Malyı esep ashsa, oǵan «Oqjetpes» sapynan De Assýnsaý Leonardý 91-mınýtta bir golmen jaýap qaıyrdy.

Al «Ordabasy» fýtbolshysy Maǵjan Toqtybaı 94-mınýtta mergendik tanytyp, oıynnyń núktesin qoıdy.

Osylaısha «Ordabasy» qarsylasynan 2:1 esebimen basym túsip, týrnır kestesinde ekinshi orynǵa kóterildi.

Aıta ketsek, buǵan deıin «Elimaı» (Semeı) — «Astana» 2:2 esebine qanaǵat bildirse, pavlodarlyq «Ertis» óz alańynda Taldyqorǵannyń «Jetisýyna» 1:2 esebimen ese jiberdi.

Sondaı-aq almatylyq «Qaırat» óz alańynda Aqtaýdyń «Kaspııinen» 2:0 esebimen basym tústi.

Endi ekinshi oıyn kúni, 19 sáýirde 15:00–de «Ulytaý» (Jezqazǵan) — «Tobyl» (Qostanaı), 16:00–de «Atyraý» — «Qyzyljar» (Petropavl), 17:00–de «Jeńis» (Astana) — «Aqtóbe», 19:00–de «Qaısar» (Qyzylorda) — «Altaı» (Óskemen) sheberlik baıqasady.