QPL: «Ordabasy» qaıtadan birinshi orynǵa kóterildi
ASTANA. KAZINFORM - Fýtboldan Qazaqstan Premer-lıgasynyń HH týry máresine jetti.
Bul týrdaǵy basty kezdesýdiń biri «Ordabasy» (Shymkent) - «Tobyl» (Qostanaı) arasynda ótti. Ótken týrda shymkenttik klýb syrt alańda «Qaırattan» jeńilip qalǵan edi. Bas júldege talasty jalǵastyrý úshin endi olar aldaǵy oıyndarda upaıdan shashaý shyǵarmaýy tıis. «Tobyl» da týrnır kestesindegi jaǵdaıyn túzeýi úshin jınaqy qımyl kórsetýge tyrysty.
Kezdesý barysynda shymkenttik klýbtan Elhan Astanov 18-mınýtta esep ashsa, 87-mınýtta Sergeı Malyı basymdyqty arttyrdy.
Osylaısha «Ordabasy» qarsylasynan 1:0 esebimen basym tústi. Nátıjesinde olar qaıtadan 46 upaımen birinshi orynǵa kóterildi.
Bul týrda 1 tamyzda 3, 2 tamyzda 4 oıyn ótkizildi. Oǵan qosa taǵy bir kezdesý 6 mamyrda aldyn ala oınaldy.
HH týr
1 tamyz
«Ertis» (Pavlodar) - «Kaspıı» (Aqtaý) 3:2
«Qyzyljar» (Petropavl) - «Aqtóbe» 3:1
«Atyraý» men «Jetisý» (Taldyqorǵan) 1:1
2 tamyz
«Ulytaý» (Jezqazǵan) - «Astana» 0:2
«Jeńis» (Astana) - «Elimaı» (Semeı) 0:0
«Oqjetpes» (Kókshetaý) - «Altaı» (Óskemen) 4:1
«Ordabasy» (Shymkent) - «Tobyl» (Qostanaı)
6 mamyr
«Qaısar» (Qyzylorda) - «Qaırat» (Almaty) 1:2.
Endi aldaǵy 21-týr oıyndary 8 jáne 9 tamyz kúnderi ótkiziledi. Bul týrda 8 mamyrda «Altaı» - «Qyzyljar», «Jetisý» - «Ordabasy», «Qaırat» - «Jeńis», «Kaspıı» - «Ulytaý» kezdesedi.
Al 9 tamyzda «Astana» - «Oqjetpes», «Tobyl» - «Qaısar», «Elimaı» - «Ertis» sheberlik baıqasady.
Bul týrdaǵy aldyn ala 17 mamyrda ótkizilgen oıynda «Aqtóbe» - «Atyraý» 0:0 esebine qanaǵat bildirgen edi.
