QPL: «Ordabasy» «Qaıratty» jeńip, kósh basyna shyqty
ASTANA. KAZINFORM — Qazaqstan Premer-lıgasynda HІІ týry máresine jetti.
Bul týrdaǵy basty match «Ordabasy» (Shymkent) — «Qaırat» (Almaty) arasynda ótti.
Týrnır kestesinde alǵashqy eki oryndaǵy komandalar kezdesý barysynda tartysty oıyn ótkizdi. Aldymen almatylyq klýbtan Jorjıno 14-mınýtta esep ashsa, oǵan 28-mınýtta shymkenttik komandadan Gı Kılama bir golmen jaýap qaıyrdy.
Oıynnyń 64-mınýtynda «Ordabasy» fýtbolshysy Elhan Astanov kezdesý núktesin qoıdy.
Osylaısha shymkenttik komanda qarsylasynan 2:1 esebimen basym túsip, týrnır kestesinde 28 upaımen kósh tizginin qolǵa aldy. Olardyń «Qaırattan» bir oıyny kem.
Bul týrda oıyndar 27 jáne 28 mamyr kúnderi ótkizildi.
27 mamyr
«Altaı» (Óskemen) — «Astana» 1:1
«Ertis» (Pavlodar) — «Ulytaý» (Jezqazǵan) 1:1
28 mamyr
«Oqjetpes» (Kókshetaý) — «Aqtóbe» 2:2
«Qyzyljar» (Petropavl) — «Jetisý» (Taldyqorǵan) 3:2
«Atyraý» — «Tobyl» (Qostanaı) 1:1
«Jeńis» (Astana) — «Kaspıı» (Aqtaý) 1:0
«Qaısar» (Qyzylorda) — «Elimaı» (Semeı) 2:3
«Ordabasy» (Shymkent) — «Qaırat» (Almaty) 2:1.
Endi aldaǵy týr oıyndary 13 jáne 14 maýsym kúnderi ótedi. Aldymen 13 mamyrda «Tobyl» — «Qyzyljar», «Jetisý» — «Oqjetpes», «Qaırat» — «Atyraý», «Astana» — «Ertis» oınıdy.
Al 14 maýsymda «Ulytaý» — «Jeńis», «Elimaı» — «Ordabasy», «Kaspıı» — «Qaısar», «Aqtóbe» — «Altaı» sheberlik baıqasady.
