QPL: «Ordabasy» «Qaırattan» uzaı tústi
ASTANA. KAZINFORM — Fýtboldan Qazaqstan Premer-lıgasynyń HHІІ týrynyń alǵashqy oıyn kúni máresine jetti.
Bul týrda shymkenttik «Ordabasy» óz alańynda Óskemenniń «Altaıyn» qabyldady.
Premer-lıganyń 22-shi týrynda týrnır kestesiniń kóshbasshysy «Ordabasy» óz alańynda sońǵy orynda turǵan «Altaı» komandasyn qabyldaıdy. Bul maýsymdaǵy alǵashqy jeke kezdesý 0:0 esebimen aıaqtalǵan edi. Endi «Ordabasy» jeńis serpinin jalǵastyryp, al qonaqtar kútpegen nátıje kórsetýge tyrysty.
Kezdesý barysynda shymkenttik klýbtan Sergeı Malyı 4-mınýtta esep ashsa, 38-mınýtta Bern Ionsen basymdyqty arttyrdy.
Oıynnyń 68-mınýtynda óskemendik klýbtan Ibragım Dadaev mergendik tanytsa, 86-mınýtta Bern Ionsen penaltıden múlt ketken joq.
Osylaısha «Ordabasy» qarsylasynan 3:1 esebimen basym túsip, 52 upaımen birinshi orynǵa jaıǵasty. Olar bas júldeden negizgi qarsylasy — «Qaırattan» tórt upaıǵa uzap ketti.
Degenmen olardyń almatylyq klýbtan bir oıyny artyq.
Taǵy bir kezdesýde «Aqtóbe» syrt alańda Qyzylordanyń «Qaısaryn» 2:1 esebimen tize búktirdi.
Sondaı-aq 15 tamyzdaǵy taǵy eki kezdesýde almatylyq «Qaırat» Jezqazǵannyń «Ulytaýynan» 3:1, astanalyq «Jeńis» Taldyqorǵannyń «Jetisýynan» 4:1 esebimen basym tústi.
Endi 16 tamyzda taǵy tórt oıyn ótkiziledi. Aldymen 17:00–de «Ertis» (Pavlodar) — «Tobyl» (Qostanaı) kezdesse, odan keıin 18:00–de «Kaspıı» (Aqtaý) — «Elimaı» (Semeı), 19:00–de «Qyzyljar» (Petropavl) — «Astana», 20:00–de «Atyraý» (Petropavl) — «Oqjetpes» (Kókshetaý) jasyl alańǵa shyǵady.
