QPL: «Ordabasy» qatarynan tórtinshi márte jeńiske jetti

ASTANA. KAZINFORM — Búgin fýtboldan Premer-lıga komandalary arasyndaǵy Qazaqstan chempıonaty 8-týrynda shymkenttik «Ordabasy» óz alańynda qyzylordalyq «Qaısardy» iri eseppen jeńdi.

Bıylǵy birinshilikti sátsiz bastaǵan shymkenttik klýb sońǵy úsh týrda jeńiske jetken edi.

Nátıjesinde týrnır kestesinde jaǵdaıyn jaqsarta tústi. Olar sol sáttilik serııasyn jalǵastyra tústi.

Alǵashqy mınýttan oıyn tizginin qolǵa alǵan shymkenttik klýb birinshi kezeńde qarsylas qaqpasyna eki gol soǵyp úlgerdi. Oıynnyń 18-mınýtynda shymkenttik klýbtan Moraes Everton esep ashsa, Karam Sýltanov 34-mınýtta óz qaqpasyna gol soǵyp aldy.

Al ekinshi kezeńde Vıktor Mýdrak 76-mınýtta penaltıdi múltiksiz oryndasa, odan keıin Erkebulan Tuńǵyshbaev 83, Sergeı Malyı 93-mınýtta mergendik tanytty.

Osylaısha «Ordabasy» qarsylasynan 5:0 esebimen basym túsip, qatarynan tórtinshi márte jeńiske jetti.

Sondaı-aq búgin taǵy bir kezdesýde kókshetaýlyq «Oqjetpes» syrt alańda Taldyqorǵannyń «Jetisýyn» 3:1 esebimen súrindirdi. 

Dál qazir «Aqtóbe» men Semeıdiń «Elimaı» komandalary kezdesýiniń ekinshi kezeńi ótip jatyr. Ázirge esep — 0:0.

Keshe, 10 mamyrda elordalyq «Astana» óz alańynda qostanaılyq «Tobylǵa» 1:3 esebimen ese jiberdi. 

Atalǵan týrda petropavldyq «Qyzyljar» óz alańynda jezqazǵandyq «Ulytaý» klýbyn 2:1, túrkistandyq «Turan» «Atyraýdy» 1:0 esebimen jeńdi.