QPL: «Ordabasy» qatarynan ekinshi márte jeńiske jetti

ASTANA. KAZINFORM - Qazaqstan Premer-lıgasynyń úshinshi týrynda Shymkenttiń «Ordabasy» klýby óz alańynda Qyzylordanyń «Qaısarynan» basym tústi.

Kezdesý barysynda shymkenttik klýbtan Dımıtar Mıtkov 13, Nıkola Antıch 16-mınýtta eki gol soǵyp ketti.

Osylaısha «Ordabasy» qarsylasynan 2:0 esebimen basym tústi. Bul - shymkenttik klýbtyń qatarynan ekinshi jeńisi.

Bul oıynnan keıin «Ordabasy» 7 upaımen birinshi orynǵa kóterilse, «Qaısar» 2 upaımen on ekinshi orynǵa tómendedi.

Endi 5 sáýirde óz alańynda «Ordabasy» «Atyraýdy» qabyldasa, «Qaısar» Petropavldyń «Qyzyljarymen» sheberlik baıqasady.

Búgin úshinshi týrda «Atyraý» men «Jeńis» (Astana) 0:0, «Qyzyljar» (Petropavl) men «Ertis» (Pavlodar) 2:2 esebimen teń oınady.

Dál qazir «Astana» men «Tobyl» (Qostanaı) kezdesýi ótip jatyr.

Endi 21 naýryzda 14:00:-de «Oqjetpes» (Kókshetaý) pen «Ulytaý» (Jezqazǵan), «Jetisý» (Taldyqorǵan) men «Qaırat» (Almaty), «Aqtóbe» men «Elimaı» (Semeı) sheberlik baıqasady.

Bul týrdy 22 naýryzda 15:00-de «Altaı» (Óskemen) men «Kaspıı» (Aqtaý) túıindeıdi.