QPL: «Ordabasy» qatarynan ekinshi márte jeńiske jetti

ASTANA. KAZINFORM — Shymkenttik «Ordabasy» fýtboldan Premer-lıga komandalary arasyndaǵy Qazaqstan chempıonatynda qatarynan ekinshi márte jeńiske jetti.

Shymkenttik komanda altynshy týrda óz alańynda túrkistandyq «Turandy» qabyldaǵan edi. 
Bıylǵy birinshilikti olar sátsiz bastady, Alǵashqy tórt týrda jeńiske jete alǵan joq. Saldarynan sońǵy oryndardyń birin mise tutty. Ótken týrda «Jetisýdy» jeńgen olar bul týrda da úsh upaı oljalaýǵa kúsh saldy.

Kezdesý barysynda shymkenttik klýb sapynan Moraes Everton 44-mınýtta mergendik tanytty. 
Osylaısha «Ordabasy» qarsylasynan 1:0 esebimen basym túsip, týrnır kestesinde segiz upaımen segizinshi orynǵa kóterildi.

Búgin taǵy bir kezdesýde petropavldyq «Qyzyljar» qyzylordalyq «Qaısardy» 2:1 esebimen tize búktirdi. 

Dál qazir «Qaırat» (Almaty) pen «Tobyl» (Qostanaı) kezdesýiniń birinshi kezeńi aıaqtaldy. Ázirge almatylyq klýb 1:0 esebimen basym túsip jatyr.

Sondaı-aq 26 sáýirde «Astana» «Atyraýdan» 2:1, «Aqtóbe» jezqazǵandyq «Ulytaýdan» 1:0, semeılik «Elimaı» taldyqorǵandyq «Jetisýdan» 3:0 esebimen basym tússe, «Oqjetpes» (Kókshetaý) pen «Jeńis» (Astana) 1:1 esebine qanaǵat bildirdi.