QPL: «Ordabasy» qatarynan altynshy márte jeńiske jetti
ASTANA. KAZINFORM - Búgin Qazaqstan Premer-lıgasynda HV týrynyń ekinshi oıyn kúnindegi úsh kezdesýdiń nátıjesi belgili boldy.
Bul kúngi oıynda qyzylordalyq «Ertis» (Pavlodar) - «Qaısar» (Qyzylorda) kezdesýinen bastaldy.
Kezdesý barysynda pavlodarlyq klýbtan Jan Marel Po 15-mınýtta esep ashqan edi. Oǵan 44-mınýtta qyzylordalyq klýbtan Nıkola Tsýtskıch bir golmen jaýap qaıyrdy.
Al 65-mınýtta «Qaısar» sapynan Stefan Býkorats soqqan gol komandasyna jeńis alyp keldi.
Osylaısha qyzylordalyq klýb qarsylasynan 2:1 esebimen basym tústi.
Taǵy bir kezdesýde shymkenttik «Ordabasy» syrt alańda Jezqazǵannyń «Ulytaýyn» 1:0 esebimen jeńdi.
Kezdesý taǵdyryn shymkenttik klýbtan Bern Ionsen soqqan jalǵyz gol sheshti. Osylaısha olar qatarynan altynshy márte jeńiske jetti.
Al qostanaılyq «Tobyl» óz alańynda Óskemenniń «Altaıyn» tize búktirdi.
Kezdesý barysynda qostanaılyq klýbtan Ashat Taǵybergen 14-mınýtta penaltıden esep ashsa, 18-mınýtta óskemendik komandadan Nıkola ıAmbor tarazy basyn teńestirip ketti.
Al qostanaılyq klýbtan Lýıs Gerra 73, Amın Talal 80-mınýtta eki gol soǵyp, óz komandasyna jeńis syılady.
Nátıjesinde «Tobyl» qarsylasynan 3:1 esebimen basym túsip, týrnır kestesindegi jaǵdaıyn jaqsarta tústi.
Eske salsaq, budan buryn «Elimaı» sátsizdik serııasyn toqtatyp, besinshi orynǵa kóterildi.
