QPL: «Ordabasy» «Astanany» jeńip, birinshi orynǵa kóterildi
ASTANA. KAZINFORM - Fýtboldan Qazaqstan Premer-lıgasynda HHVІ týryndaǵy shymkenttik «Ordabasy» óz alańynda elordalyq «Astanany» jeńdi.
Kezdesý barysynda komandalar tartysty oıyn ótkizdi. Dese de birinshi kezeńde komandalar bir-biriniń qaqpasynan sańylaý taba alǵan joq.
Ekinshi kezeńde shymkenttik klýb gol soǵatyn múmkindikti izdedi. Nátıjesinde olardyń qatarynan Jasulan Ámir 78-mınýtta kózge tústi.
Osylaısha «Ordabasy» qarsylasynan 1:0 esebimen basym túsip, týrnır kestesinde 58 upaımen birinshi orynǵa kóterildi.
Taǵy bir oıynda elordalyq «Jeńis» óz alańynda Petropavldyń «Qyzyljaryn» 3:1 esebimen tize búktirdi.
Aıta ketsek, budan semeılik «Elimaı» Taldyqorǵannyń «Jetisýynan», «Aqtóbe» Aqtaýdyń «Kaspııinen» 2:1 esebimen basym tústi.
Dál qazir 20:00-de «Qaısar»(Qyzylorda) - «Atyraý» oınap jatyr.
Sondaı-aq 13 qyrkúıekte 16:00-de «Ertis» (Pavlodar) - «Oqjetpes» (Kókshetaý), 17:00-de «Ulytaý» (Jezqazǵan) - «Altaı» (Óskemen), 19:00-de «Qaırat» (Qyzylorda) - «Tobyl» (Qostanaı) jasyl alańǵa shyǵady.
