QPL: «Ordabasy» alǵash ret jeńilistiń aşy dámin tatty
ASTANA. KAZINFORM — Búgin Qazaqstan Premer-lıgasynda HVІІ týrynda Shymkenttiń «Ordabasy» komandasy aqtaýlyq «Kaspııden» jeńilip qaldy.
Bul oıynda jankúıerler shymkenttik klýb kezekti márte úsh upaıdy oljalaıdy dep úmittengen edi. Qatarynan segizinshi márte jeńiske jetken olar chempıondyq ataqqa jaqyndaı túsken bolatyn. Esesine aqtaýlyq komanda qatarynan eki márte qarsylastaryn qapy qaldyryp, týrnır kestesindegi jaǵdaıyn jaqsartty.
Kezdesý barysynda «Kaspıı» sapynan Vladıslav Klımovıch 16-mınýtta esep ashty. Oǵan 42-mınýtta shymkenttik klýbtan Bern Ionsen bir golmen jaýap qaıyrdy.
Odan keıin aqtaýlyq klýbtan Ramazan Abylaıhan 56, Sılla Keba 81-mınýtta eki márte kózge tússe, 91-mınýtta «Ordabasy» oıynshysy Jasulan Ámir esep aıyrmasyn qysqartty.
Osylaısha shymkenttik klýb qarsylasyna 2:3 esebimen ese jiberip, bıylǵy birinshiliktegi alǵashqy jeńilisine ushyrady.
Sondaı-aq búgin óz alańynda Pavlodardyń «Ertisi» astanalyq «Jeńiske», taldyqorǵandyq «Jetisý» Óskemenniń «Altaıyna» 0:1 esebimen jol berdi.
Endi 12 shildede 18:00–de «Ulytaý» (Jezqazǵan) — «Qaısar» (Qyzylorda), 19:00–de «Astana» — «Aqtóbe», 20:00–de «Tobyl» (Qostanaı) — «Oqjetpes» (Kókshetaý) oıyny bolady.
Bul týrdaǵy aldyn ala ótkizilgen oıynda almatylyq «Qaırat» óz alańynda Petropavldyń «Qyzyljaryn» 3:0, «Atyraý» syrt alańda Semeıdiń «Elimaıyn» 2:1 esebimen tize búktirdi.
