QPL: «Oqjetpes» úshtikke talasty jalǵastyrdy
ASTANA. KAZINFORM — Fýtboldan Qazaqstan Premer-lıgasynyń HHІІ týry máresine jetti.
Bul týrdy «Atyraý» — «Oqjetpes» (Kókshetaý) kezdesýi túıindedi.
Týrnır kestesinde komandalar jaǵdaıy túrlishe bolyp tur. Kókshetaýlyq klýb úzdik úshtikke talasýǵa kúsh salyp júrse, atyraýlyq ujym Premer-lıgadaǵy ornyn saqtap qalýǵa tyrysady.
Kezdesý barysynda komandalar birinshi kezeńde tartysty oıyn ótkizdi. Soǵan qaramastan tablodaǵy esepke ózgeris engen joq.
Ekinshi kezeńde kókshetaýlyq klýb basymdyqty arttyra tústi. Nátıjesinde olardyń qatarynan Dmıtrıı Borodın 76, Oralhan Ómirtaev 87-mınýtta eki gol soǵyp ketti.
Osylaısha «Oqjetpes» qarsylasynan 2:0 esebimen basym túsip, týrnır kestesindegi jaǵdaıyn jaqsarta tústi.
Sondaı-aq búgin qostanaılyq «Tobyl» syrt alańda Pavlodardyń «Ertisinen» 2:0 esebimen basym tússe, «Kaspıı» (Aqtaý) — «Elimaı» (Semeı) 2:2, «Qyzyljar» (Petropavl) — «Astana» 1:1 esebine qanaǵat bildirdi.
Al 15 tamyzda almatylyq «Qaırat» Jezqazǵannyń «Ulytaýynan», shymkenttik «Ordabasy» Óskemenniń «Altaıynan» 3:1, astanalyq «Jeńis» Taldyqorǵannyń «Jetisýynan» 4:1 esebimen basym túsche, syrt alańda «Aqtóbe» Qyzylordanyń «Qaısaryn» 2:1 esebimen tize búktirdi.
