QPL: «Oqjetpes» týrnır kestesinde úshinshi orynǵa kóterildi
ASTANA. KAZINFORM - Qazaqstan Premer-lıgasy onynshy týryndaǵy eki oıynnyń nátıjesi belgili boldy.
Elordalyq «Astana» syrt alańda Kókshetaýdyń «Oqjetpes» komandasymen sheberlik baıqasty.
Kezdesý barysynda kókshetaýlyq fýtbolshylar belsendi oıyn kórsetti. Nátıjesinde olardyń qatarynan Borıs Lototskıı 48-mınýtta óz múmkindigin múlt jibergen joq. Onyń odan sál buryn soqqan golyn tóreshi erejege saı emes dep jaratpaı tastaǵan edi.
Osylaısha «Astana» syrt alańda qarsylasyna 0:1 esebimen jol berdi. Bul jeńisten keıin «Oqjetpes» 19 upaımen úshinshi orynǵa kóterildi.
Taǵy bir kezdesýde jezqazǵandyq «Ulytaý» óz alańynda Aqtaýdyń «Kaspııin» 1:0 esebimen súrindirdi.
Dál qazir «Ertis» (Pavlodar) - «Elimaı» (Semeı) kezdesýi ótip jatyr.
Al 17 mamyrda taǵy bes kezdesý ótedi. Bul kúni kósh basynda kele jatqan «Qaırat», «Ordabasy» komandalary kezekti týr oıyndarynda jasyl alańǵa shyǵady.
Oıyndar kestesi
17 mamyr
16:00. «Qyzyljar» - «Altaı»
17:00. «Jeńis» - «Qaırat»
18:00. «Aqtóbe» - «Atyraý»
19:00. «Qaısar» - «Tobyl»
20:00. «Ordabasy» - «Jetisý».
Bıyl el birinshiliginde barlyǵy 16 komanda júldeni sarapqa salady.
