QPL: «Oqjetpes» týrnır kestesinde besinshi orynǵa kóterildi

ASTANA. KAZINFORM - Fýtboldan Premer-lıga komandalary arasyndaǵy el birinshiliginiń HVII týrynyń ekinshi oıyn kúni máresine jetti.

Bul kúnge belgilengen oıyndardy «Oqjetpes» (Kókshetaý) pen «Ulytaý» (Jezqazǵan) kezdesýi túıindedi.

Oıyn barysynda kókshetaýlyq klýb sapynan Nıkola Tsýtskıch 44-mınýtta mergendik tanytty. Odan keıin eki komandanyń da esepti ózgertetin birneshe múmkindigi bolǵan edi.

Osylaısha «Oqjetpes» qarsylasynan 1:0 esebimen basym túsip, týrnır kestesinde 27 upaımen besinshi orynǵa kóterildi.

Atalǵan týrda «Qaırat» (Almaty) pen «Qaısar» (Qyzylorda) 1:1 esebine qanaǵat bildirse, semeılik «Elimaı» óz alańynla «Jeńiske» 1:2 esebimen ese jiberdi.

Sondaı-aq 20 shildede 18:00-de «Qyzyljar» (Petropavl) men «Atyraý», 20:00-de «Aqtóbe» men «Tobyl» (Qostanaı), «Jetisý» (Taldyqorǵan) men «Ordabasy» (Shymkent) kim myqtyny anyqtaıdy.

Al 18 shildede elordalyq «Astana» Túrkistannyń «Turanyn» 7:0 esebimen tize búktirdi.

Osyǵan deıin «Qaırat» óz alańynda «Qaısarmen» teń túskeni týraly jazdyq.