QPL: «Oqjetpes» syrt alańda «Kaspııden» basym tústi

ASTANA. KAZINFORM - Fýtboldan Qazaqstan Premer-lıgasy ekinshi týry máresine jetti.

Bul týrdaǵy sońǵy oıyn «Kaspıı» (Aqtaý) men «Oqjetpes» (Kókshetaý) komandalary arasynda ótti.

Kezdesý barysynda kókshetaýlyq komanda jınaqy qımyl kórsetti. Nátıjesinde olardyń qatarynan Vasılıı Sovpel 25-mınýtta esep ashsa, Oralhan Ómirtaev 80, 82-mınýtta mergendigimen kózge tústi. Oǵan aqtaýlyq klýb sapynan Noa Ndombazı 71-mınýtta bir golmen jaýap qaıyrdy.

Osylaısha «Kaspıı» qarsylasyna 1:3 esebimen ese jiberdi.

Bul týrdaǵy ózge oıyn nátıjeleri tómendegishe:

«Ulytaý» (Jezqazǵan) - «Qyzyljar» (Petropavl) 1:0

«Ertis» (Pavlodar) - «Atyraý» 1:1

«Elimaı» (Semeı) - «Altaı» (Óskemen) 1:1

«Tobyl» (Qostanaı) - «Jetisý» (Taldyqorǵan) 2:2

«Qaısar» (Qyzylorda) - «Astana» 0:0

«Qaırat» (Almaty) - «Aqtóbe» 1:0

«Jeńis» (Astana) - «Ordabasy» (Shymkent) 0:2.

Ekinshi týrdan keıin 6 upaı jınaǵan «Qaırat» birinshi orynda tursa, odan keıingi oryndardaǵy «Astana», «Oqjetpes», «Ordabasy», «Ulytaý» komandalarynyń tórt upaıy bar.

Endi aldaǵy týr oıyndary 20, 21, 22 naýryz kúnderi ótkiziledi. Aldymen 20 naýryzda «Qyzyljar» men «Ertis», «Atyraý» men «Jeńis», «Ordabasy» men «Qaısar», «Astana» men «Tobyl» oınasa, 21 naýryzda «Oqjetpes» pen «Ulytaý», «Jetisý» men «Qaırat», «Aqtóbe» men «Elimaı» sheberlik baıqasady. Bul týrdy 22 naýryzda «Altaı» men «Kaspıı» túıindeıdi.