QPL: «Oqjetpes» pen «Jetisý» syrt alańda jeńiske jetti
NUR-SULTAN. QazAqparat - Búgin fýtboldan Premer-lıga komandalary arasyndaǵy el birinshiliginiń 21-týryndaǵy eki oıyn ótkizildi, dep habarlaıdy QazAqparat tilshisi.
Qyzylordada jergilikti «Qaısar» Kókshetaýdyń «Oqjetpesin» qabyldady. Qyzylordalyq fýtbolshylar óz alańynda ala-qula oınap júr. Buǵan deıin úsh oıyn boıy jeńiske jete almaı keledi. Sol sátsizdik búgin de jalǵasty. «Qaısar» qarsylasynan 0:1 esebimen jeńilip qaldy. Kókshetaýlyq shabýylshy Jasulan Moldaqaraev 40-mınýtta kezdesýde soǵylǵan jalǵyz goldyń ıesi atandy.
«Aqtóbe» komandasy búgin qarsylasyna ese jiberdi. Bıylǵy birinshilikte týrnır kestesinde kósh sońynda kele jatqan komanda óz alańynda Taldyqorǵannyń «Jetisý» komandasymen sheberlik baıqasqan edi. «Jetisý» sapynan Roman Stepanıýk 10, Martın Toshev 53-mınýtta gol soqqan. Oǵan «Aqtóbe» oıynshysy Abat Aıymbetov 94-mınýtta jalǵyz golmen jaýap qaıyrdy. Osylaısha «Jetisý» 2:1 esebimen jeńip ketti.
Endi 21-týrdaǵy qalǵan oıyndar 4 shildede ótkiziledi. Bul kúni «Ertis» pen «Qaırat», «Atyraý» men «Tobyl», «Shahter» men «Astana», «Taraz» ben «Ordabasy» komandalary kezdesedi.
