QPL: «Oqjetpes» pen «Elimaı» teń oınady

ASTANA. KAZINFORM — Búgin fýtboldan Premer-lıga komandalary arasyndaǵy el birinshiliginiń HІH týrynda alǵashqy oıynnyń nátıjesi belgili boldy.

Bul kezdesýde «Oqjetpes» (Kókshetaý) pen «Elimaı» (Semeı) sheberlik baıqasty.

Eki komanda týrnır kestesinde qatarlas keledi. Sondyqtan jeńgeni jaǵdaıyn jaqsarta túsetin edi. Degenmen alǵashqy mınýttan semeılik klýbtyń belsendiligi baıqaldy. Birinshi kezeńde olar shabýylǵa kóbirek shyqty. Soǵan qaramastan tablodaǵy esepke ózgeris engen joq.

Ekinshi kezeńde «Oqjetpes» sapynan Dáýren Jumat 54-mınýtta mergendik tanytty. Bul — kókshetaýlyq jartylaı qorǵaýshynyń bıylǵy birinshiliktegi toǵyzynshy goly. Ol surmergender kóshinde «Astana» oıynshysy Nazmı Grıpshımen gol sany jóninen teńesti.

Oǵan «Elimaı» quramynan Ǵalymjan Kenjebek 66-mınýtta bir golmen jaýap qaıyrdy.
Osylaısha komandalar 1:1 esebine qanaǵat bildirdi.

Dál qazir atalǵan týrdaǵy «Qaırat» (Almaty) pen «Ulytaý» (Jezqazǵan), «Qyzyljar» (Petropavl) men «Tobyl» (Qostanaı) oıyndary ótip jatyr. 

Sondaı-aq 3 tamyzda 20:00–de «Ordabasy» (Shymkent) men «Atyraý», «Jetisý» (Taldyqorǵan) men «Turan» (Túrkistan), «Aqtóbe» men «Jeńis» (Astana) oınaıdy.

Atalǵan týrdaǵy «Astana» men «Qaısar» (Qyzylorda) kezdesýi belgisiz merzimge keıinge shegerildi. Bul sheshim elordalyq klýbtyń eýrokýbok oıyndaryna qatysýyna baılanysty qabyldanyp otyr.