QPL: «Oqjetpes» óz alańynda «Jetisýǵa» jol berdi

ASTANA. KAZINFORM — Búgin fýtboldan Premer-lıga komandalary arasyndaǵy el birinshiliginiń HH týryndaǵy eki oıynnyń nátıjesi belgili boldy.

Bıyl dop dodasynda jankúıer kóńilinen shyǵatyn deńgeıde oıyn kórsetken kókshetaýlyq «Oqjetpes» bul joly óz alańynda Taldyqorǵannyń «Jetisý» klýbyna 1:2 esebimen jol berdi.

Nátıjesinde 22 upaı jınaǵan taldyqorǵandyq komanda týrnır kestesinde 22 upaımen toǵyzynshy orynǵa kóterildi. 

Sondaı-aq taǵy bir oıynda «Ulytaý» (Jezqazǵan) men «Qyzyljar» (Petropavl) 1:1 esebine qanaǵat bildirdi.

Dál qazir «Atyraý» men «Turan» (Túrkistan) kezdesýi ótip jatyr.

Sondaı-aq 10 tamyzda 18:00–de «Elimaı» (Semeı) men «Aqtóbe», 20:00–de «Qaısar» (Qyzylorda) men «Ordabasy» (Shymkent) oınaıdy.

Atalǵan týrdaǵy «Tobyl» (Qostanaı) men «Astana» kezdesýi 19 qyrkúıekke shegerildi. Bul sheshim elordalyq klýbtyń eýrokýbok oıyndaryna qatysýyna baılanysty qabyldanyp otyr.

Aldyn ala ótkizilgen oıynda elordalyq «Jeńis» Almatynyń «Qaıratyna» 1:2 esebimen jol berdi.

Aıta ketsek, qazir kósh basynda 43 upaımen «Qaırat» komandasy keledi. Odan keıingi oryndardaǵy «Astananyń» 40, «Tobyldyń» 38 upaıy bar.