QPL: «Oqjetpes» óz alańynda «Qaırattan» mınımaldy eseppen jeńildi

ASTANA.KAZINFORM - Búgin Qazaqstan Premer-lıgasynyń keıinge qaldyrylǵan 22-týrynda «Oqjetpes» pen «Qaırat» komandalary kezdesti. 

Bul týrdaǵy ózge oıyndar 23 jáne 24 tamyz kúnderi ótti. Almatylyq klýbtyń Chempıondar lıgasynda synǵa túsip jatqanyna baılanysty kezdesý keıinge shegerilgen bolatyn. 

Kezdesý bastala sala alǵashqy mınýttan qos komanda shabýyl shebine kóbirek kóńil bóldi. Olaı bolatyn jóni bar. «Qaırat» bıyl chempıondyq ataqty qorǵap qalýdy aldyna maqsat etip otyr. Al birinshi lıgadan qosylǵan «Oqjetpes» joǵary kórsetkishimen jankúıerlerdi qýantýdy kózeıdi.

Oıynnyń 8-mınýtynda Jorjıno soqqan jalǵyz gol «Qaıratqa» mańyzdy úsh upaı syılady. 

23 tamyzda Qostanaıdyń «Tobyly» túrkistandyq «Turandy», Semeıdiń «Elimaıy» Petropavldyń «Qyzyljaryn» 2:0, elordalyq «Jeńis» «Astanany», «Aqtóbe» taldyqorǵandyq «Jetisýdy» 3:2, jezqazǵandyq «Ulytaý» Shymkenttiń «Ordabasysyn» 2:1 esebimen jeńse, «Qaısar» (Qyzylorda) men «Atyraý» 0:0 esebine qanaǵat bildirdi. 

Qazir týrnır kestesinde «Astana» men «Astana» 20 oıynnan keıin 46 upaımen birinshi jáne ekinshi oryndy ózara bólisip tur. Úzdik úshtiktegi «Tobyldyń» 20 oıynnan keıin 44 upaıy bar. Al, «Aqtóbe» komandasy tórtinshi orynda keledi. 

Surmergender tiziminde «Astana» sapynda Nazmı Grıpshı 11 golmen kósh bastap keledi.

Endi el birinshiliginde Qazaqstan ulttyq quramasynyń 2026 jylǵy álem chempıonaty irikteý kezeńindegi oıyndaryna baılanysty eki aptaǵa jýyq úzilis jarııalanyp otyr. 

Endi aldaǵy 23-týr oıyndary 13 jáne 14 qyrkúıek kúnderi ótkiziledi.