QPL: «Oqjetpes» «Ordabasydan» oısyraı jeńildi
NUR-SULTAN. QazAqparat - Búgin elimizde fýtboldan Premer-lıga komandalary arasyndaǵy Qazaqstan birinshiliginiń 13-týr oıyndary boldy, dep habarlaıdy QazAqparat tilshisi.
Alǵashqy oıyn «Atyraý» men «Taraz» komandalary arasynda ótti. Bul kezdesý Kókshetaý qalasynda boldy. Sebebi, Atyraý qalasyndaǵy stadıon ázirge oıyndar ótkizýge daıyn emes. Sondyqtan «Atyraý» óz alańyndaǵy oıyndarynda komandalardy basqa qalalarda qabyldaýǵa májbúr. Búgingi kezdesýde aldymen tarazdyq Elgýdja Lobjanıdze 66-mınýtta esep ashqan edi. Oǵan 81-mınýtta Barko Bedov jaýap qaıyrdy. Oıyn 1:1 esebimen teń aıaqtaldy.
Shymkentte jergilikti «Ordabasy» Kókshetaýdyń «Oqjetpes» komandasyn qabyldady. Bul kezdesýde alań ıeleri basymdyq tanytty. Alǵashqy kezeńde «Oqjetpes» qaqpasyna úsh gol soǵyldy. Oıynnyń 5-mınýtynda shymkenttik fýtbolshy Joao Paolo esep ashsa, 14 jáne 38-mınýtta Toqtar Jańǵylyshbaı esepti ústemeleı tústi. Ekinshi kezeńde gol soǵylǵan joq. «Ordabasy» atalmysh qarsylasyn 3:0 esebimen tize búktirdi.
Dál qazir elimizdiń tórt qalasynda oıyndar ótip jatyr. Birinshi kezeńnen keıin «Astana» «Jetisýdan», «Tobyl» «Shahterden» 1:0 esebimen basym túsýde. Al «Qaısar» men «Ertis», «Qaırat» pen «Aqtóbe» komandalary arasyndaǵy kezdesýde ázirge esep ashylǵan joq.
