QPL: «Oqjetpes» «Ordabasyny» on jyldan keıin jeńdi
ASTANA. KAZINFORM — Búgin fýtboldan Qazaqstan Premer-lıgasy HHV týryndaǵy «Oqjetpes» (Kókshetaý) — «Ordabasy» (Shymkent) kezdesýiniń nátıjesi belgili boldy.
Bıyl shymkenttik komanda chempıondyq ataqqa qol sozýdy qalaıdy. Oǵan qosa kókshetaýlyq klýb aldaǵy jyly eýrokýbok oıyndaryna qatysý úshin joǵary oryndarǵa talasyp keledi. Sondyqtan jankúıerler kezdesý barysynda qyzyqty oıyn tamashalaıtyny anyq. Alǵashqy aınalymda Shymkentte ótken kezdesýde «Ordabasy» bul qarsylasynan 2:1 esebimen basym tústi. Atalǵan oıynǵa kókshetaýlyq klýbtan sary qaǵaz lımıti saldarynan shabýylshy Oralhan Ómirtaev pen jartylaı qorǵaýshy Dmıtrıı Borodın tys qaldy.
Kezdesý barysynda shymkenttik klýbtan Bern Ionsen 14-mınýtta esep ashsa, oǵan kókshetaýlyq klýbtan Nurǵaını Bóribaev 49, De Assýnsaý Leonard 81-mınýtta eki golmen jaýap qaıyrdy.
Osylaısha «Oqjetpes» qarsylasynan 2:1 esebimen basym túsip, týrnır kestesindegi jaǵdaıyn jaqsarta tústi. Olar shymkenttik klýbty sońǵy ret 2016 jyly 3:0 esebimen jeńgen edi.
Sondaı-aq dál qazir keıinge qaldyrylǵan 6-týrda aqtaýlyq «Kaspıı» óz alańynda Almatynyń «Qaıratyna» 0:3 esebimen ese jiberdi.
Dál qazir 25-týrdaǵy «Aqtóbe» — «Jeńis» (Astana), «Jetisý» (Taldyqorǵan) — «Ertis» (Pavlodar), «Qyzyljar» (Petropavl) — «Atyraý» kezdesýi ótip jatyr. Al 6 qyrkúıekte «Altaı» (Óskemen) — «Qaısar» (Qyzylorda), «Astana» — «Elimaı» (Semeı), «Tobyl» (Qostanaı) — «Ulytaý» (Jezqazǵan) oınaıdy.
Eske salsaq, qazaqstandyq shabýylshy Dastan Sátpaev «Bernlı» sapynda Anglııa Chempıonshıpynyń tórtinshi týrynda «Mıdlsbromen» kezdesýde úzdik atandy.
