QPL: «Oqjetpes» komandasy 5-orynǵa kóterildi

ASTANA. KAZINFORM - Búgin fýtboldan Premer-lıga komandalary arasyndaǵy el birinshiliginiń 11-týrynda kókshetaýlyq «Oqjetpes» besinshi orynǵa kóterildi.

Maýsym basynda eshkim kókshetaýlyq klýbty joǵary orynnan kórinedi dep boljam jasaǵan joq edi. Soǵan qaramastan komanda bıyl sátti oıynymen kózge túsip keledi. Olar sońǵy bes kezdesýdiń tórteýinde jeńiske jetip, týrnır kestesindegi jaǵdaıyn jaqsartyp aldy.

«Oqjetpes» búgin óz alańynda Petropavldyń «Qyzyljaryn» 3:2 eesbimen tize búktirdi. Kezdesý barysynda olardyń qatarynan Dáýren Jumat 10, Strahınııa Iovanovıch 73, Damır Marat 89-mınýtta mergendik tanytsa, oǵan Toqtar Jańǵylyshbaı 55, Elıseı Gorshýnov 91-mınýtta eki golmen jaýap berdi.

Taǵy bir kezdesýde jezqazǵandyq «Ulytaý» men túrkistandyq «Turan» sheberlik baıqasty. Jezqazǵandyq klýbtan Abzal Taýbaı 60, Ramazan Abylaıhan 73-mınýtta kózdegen nysanadan múlt ketken joq. Túrkistandyq komandadan Konstantın Dorofeev 21-mınýtta gol soqty. Osylaısha «Ulytaý» qarsylasynan 2:1 esebimen basym túsip, týrnır kestesinde jaǵdaıyn jaqsartty.

Endi búgin «Qaısar» (Qyzylorda) men «Jetisý» (Taldyqorǵan) atalǵan týrdy túıindeıdi.

Sondaı-aq elordalyq «Astana» syrt alańda Semeıdiń «Elimaı» komandasyn 2:0, Qostanaıdyń «Tobyly» óz alańynda «Atyraýdy» 5:0 esebimen súrindirdi. Al astanalyq «Jeńis» pen shymkenttik «Ordabasy» kezdesýinde 2:2 esebi tirkelse, «Aqtóbe» óz alańynda Almatynyń «Qaıratyna» 1:2 esebimen jol berdi.